لمحة عنّا
تعرّف علينا أكتر
بشركة الأسد للزجاج، نحنا متخصصين بتقديم أرقى خدمات تصميم، تفصيل، وتركيب الزجاج السيكوريت والمقسى عالي الجودة وحسب الطلب. انطلقنا من فرعنا الرئيسي في قبرص، ومنقلنا خبراتنا العالمية لبلدنا سوريا من خلال فرعنا الثاني، لنلبي احتياجات عملائنا بأعلى المعايير الدولية.
بخلفية وخبرة بتمتد لأكتر من 10 سنين بهاد المجال، قدرنا نبني اسم وسمعة عنوانها التميز، الحرفية العالية، والابتكار. هدفنا دائماً نقدّم حلول زجاجية بتجمع بين جمال التصميم وعملية الاستخدام، للبيوت والمنشآت التجارية على حد سواء.
فريقنا من الفنيين والمحترفين ملتزم بالكامل بتنفيذ وتركيب أعمال الزجاج المخصصة بكل دقة، بما فيها الأسقف الزجاجية (السكاي لايت)، درابزينات السلالم، الأبواب الهيدروليك، وتقفيل البلكونات. وبنفتخر بمواكبة عملائنا خطوة بخطوة لنحول أفكارهم لواقع ملموس، مع اهتمامنا بأدق تفاصيل المشروع.
سواء كنت عم تدور على لمسة مودرن وعصرية لبيتك، أو بدك تعمل ترقية فخمة وعملية لمكتبك وشركتك..
شركة الأسد
للزجاج بتضمنلك الدقة المتناهية، المتانة والأمان، والأنباقة بكل قطرة شغل منركبها. نحنا دائماً منسعى لنتجاوز توقعاتك من خلال خدمة استثنائية، تسليم دقيق عالموعد، وشغل “معلّميّة” نضيف ماله مثيل.
رضاك هو أولويتنا وهدفنا الأساسي، وغاية شغلنا نبتكرلك مساحات مو بس بتخطف العين بجمالها، ولكن بتبقى متينة وعايشة معك العمر كله.
ننقل الجودة الأوروبية للسوق السوري
من خلال مركزنا الأساسي في قبرص، نحنا دايماً منواكب أحدث صيحات التصميم الأوروبي وأقوى تقنيات معالجة وتصنيع الزجاج. هاد الشي بيسمح لفرعنا في سوريا إنه يقدّم لعملائه دقة و”معلّمية” مالها مثيل، مع تطبيق أعلى مواصفات الأمان والمتانة العالمية اللي بتعيش معك العمر كله.
خدمات تفصيل وتركيب زجاج سيكوريت عالي الجودة بمواصفات أوروبية من فرعنا الرئيسي في قبرص إلى فرعنا الثاني في سوريا
خدمات تفصيل وتركيب زجاج سيكوريت عالي الجودة بمواصفات أوروبية من فرعنا الرئيسي في قبرص إلى فرعنا الثاني في سوريا